Noticias del Santuario
ENTREGA DA LUZ DA PAZ DE BELÉN AS FAMILIAS
Domingo, 18 de diciembre de 2016
O VINDEIRO DOMINGO, 18 DE DECEMBRO, ENTREGAMOS A CADA FAMILIA UNHA VELIÑA ACESA NA CHAMA QUE PROCEDE DE BELÉN, DO LUGAR ONDE NACEU XESÚS
Esta luz procede da gruta do nacemento do Señor e tráenna os Scouts para repartila por todo o mundo. O vindeiro domingo levarán para cada casa esta luz para ser acesa na cea de noiteboa nos fogares.
Esta é a oración coa que será entregada
Entrega da Luz de Paz de Belén
Despois da homilía pasamos a recoller a vela que levaremos cada un para a súa casa e prenderemos na mesa de noiteboa como signo da presenza do Señor no medio de nós.
Lector: Chegan os tempos, o Señor cumpre as súas promesas, o homes xa non camiñarán máis nas tebras pois no Salvador xa está para chegar.
Por iso cantamos:
VÉN, SEÑOR Á NOSA TERRA,
A TÚA CASA, O TEU LAR.
POLA NOITE VEN E ACENDE
O TEU LUME NO FOGAR.
FAI QUE EN NÓS PRENDA A ESPERANZA
QUE PRENDEU XA EN MARÍA
E SE CUMPRA ASÍ A PROMESA
QUE NOS TIÑAS PROMETIDA.
Ven, Señor, que estamos cansos
das miserias que nos pesan.
Ven, que estamos sos, con ganas de Ti,
ven sentarnos á túa mesa.
Lector: Agora recibimos esta luz acendida na gruta do nacemento de Xesús. Invoquemos ao noso Señor dicindo: Xesús, luz do mundo, danos a paz.
- Aos nosos corazóns inconstantes.
- Aos nosos pensamentos valeiros
- Aos nosos afectos desordenados.
- As nosas accións violentas
- As nosas relacións endurecidas
- As nosas familias divididas
- As nosas parroquias empobrecidas
- As persoas quer non teñen traballo
- Aos estudantes que fracasaron
- A mocidade que perde a ilusión
- Aos que se pecharon no alcol e na droga
- A quen non ten nada
- A quen non ten a ninguén
- A que se sinte solo
- A quen está triste
- A quen está enfermo
- A quen non ten futuro
- A quen esqueceu a ilusión
- A quen perdeu a fe
- A quen non fai nada polos demais
- A quen está canso de ser bo
- A quen lle custa perdoar
- A quen está farto das inxustizas
- A quen fai a guerra
- A quen sufre as guerras
- A quen pon atrancos a paz
- A quen despreza aos demais
- Aos que fan inxustizas
- A quen consinte inxustizas
- A cada un de nós
- Aos que nos imos reunir na casa
- Aos que levamos no corazón
Deixamos un tempo de silencio para pensar como queremos entregar a luz da paz aos demais